2008年9月26日 星期五

心想事成

今天跟朋友仔分享心想事成的例證
由於朋友仔是個開朗樂觀正能量充沛的人
所以有不少心想事成的例子
雖然都是小事,但先決條件是在心情放空下達成的
既然心情放空,雖未至於心情超靚,但當下一定沒有負面的情緒混雜

自己最近踫上的事情也頗有趣
前幾天在巴士站等車時,等等下無無聊聊於是做七輪呼吸
吸吸下突然有個念頭閃出 : 做完3次七輪呼吸,司機就會開車
果然,當完成第3次七輪呼吸後,司機便刨完馬經,走去開車

八號風球那天,在馬路邊等過路時
路中心安全島上有個男人,頭上的帽被大風吹到介乎他和我站立的位置中間
忽然念頭一閃 : 希望可以執番頂帽畀佢啦
過了一會,男人走到帽子跟前,正彎下身拾帽時
當我正以為自己的念頭落空了,就在這時
一陣大風將帽子不偏不倚的吹到我的腳下
最後,還是我把帽子拾起來交回他

還有其他瑣瑣碎碎的例子,不過以上兩個比較有趣而已

我相信每個人都有心想事成/直覺能力
只要保持心境平靜,心存正念
跟潛意識和宇宙溝通是可以透過練習而達成的

2 則留言:

冒險家 提到...

本來我都無咁嘅經歷,不過見你玩到咁開心,我今日又試下。一般我落到樓下,次次要搭的士都會無,要行幾遠先有車。於是我今日搭電梯嘅時候就响度諗,一路諗住見到有的士轉入我屋苑嘅境像,不過落到樓發現都係無的士。。。開頭都失去信心,不過發現原來我無幫BB著鞋,於是唯有再上樓幫BB著埋鞋先落去,當然途中我都無放棄不斷重複諗住有的士轉入我屋苑嘅境像,點不知今次一落到樓就有三四架的士駛左入嚟任我揀,真係有無咁巧合啊。。。

好奇寶寶 提到...

證明你成功了!恭喜!
我朋友仔之前都係運用念力,連續幾天不放棄,之後很多時去到巴士站,她要坐的巴士好快就來到.